தீபாவளி படங்களில் எந்த படம் வசூலை கொட்டப்போகிறது என்பதுதான் தெரியவில்லை. அதற்கு முன் படங்களைப் பற்றி ஒரு சில வரிகள்...
அழகிய தமிழ்மகன்
webdunia photo
WD
விஜய் முதல் முதலாக இரட்டை வேடங்களில் நடித்துள்ள படம் அழகிய தமிழ்மகன். இப்படத்தில் ஸ்ரேயா, நமீதா கதாநாயகிகளாக கலக்குகின்றனர். விஜய் ரசிகர்களால் அதிகம் எதிர்பார்க்கும் அழகிய தமிழ்மகன் படத்திற்கு ஏ.ஆர். ரஹ்மான் இசையமைத்துள்ளார்.
ஒரே மாதிரி இருக்கும் இரண்டு இளைஞர்களால் ஒருவருக்கொருவர் ஏற்படும் பிரச்சினையே கதை.
விஜய் ரசிகர்களுக்கு நல்ல விருந்து
வேல்
webdunia photo
WD
சில்லுன்னு ஒரு காதல் படத்திற்குப் பிறகு சூர்யாவின் அடுத்த படம் வேல். இதில் அசின் சூர்யாவுடன் இணைகிறார். தற்போதிருக்கும் அவசரகதியில் கூட்டுக் குடும்பத்தின் அவசியத்தை விளக்குவதாக இந்தப் படத்தின் கதை அமைகிறது. ஹரியின் இயக்கத்தில் உருவாகியுள்ளது இத்திரைப்படம்.
குடும்பத்தோடு போய் பார்க்க வேண்டிய படம்.
மச்சக்காரன்
webdunia photo
WD
மெட்ராஸ் எண்டர்டெயின்மென்ட் நிறுவனம் தயாரித்துள்ள படம் மச்சக்காரன். ஜீவன்-காம்னா ஜோடி சேர்ந்துள்ள இப்படம் மிகச் சிறந்த பொழுதுபோக்குப் படமாக இருக்கும் என்று தமிழ்வானன் கூறியுள்ளார்.
கல்லூரி கலாட்டாக்களுக்கான படம்.
கண்ணாமூச்சி ஏனடா
webdunia photo
WD
சத்யராஜ், ராதிகா, பிரத்விராஜ், சந்தியா நடித்து தீபாவளிக்கு ரிலீசாக உள்ளது கண்ணாமூச்ச ஏனடா, இப்படத்தை இயக்கியிருப்பவர் மணிரத்தினத்திடம் உதவி இயக்குநராக இருந்த பிரியா. பிரத்விராஜ்-சந்தியா காதலுக்கு சத்யராஜ், ராதிகா செய்யும் உதவிகளும் இடைஞ்சல்களுமே கதை.
இளமையான கொண்டாட்டமாக அமையும் இந்த படம்.
பொல்லாதவன்
webdunia photo
WD
பொல்லாதவன் என்றதும் ரஜினி படம் நினைவுக்கு வருகிறதா... இது ரஜினியின் மருமகன் தனுஷ் நடித்த பொல்லாதவன். இதில் குத்து நாயகி ரம்யா என்கிற திவ்யா ஜோடியாக நடித்துள்ளார்.
கனவு காணும் ஒரு இளைஞன் தன் வாழ்க்கையில் வரும் சிக்கல்களை எவ்வாறு எதிர்கொள்கிறான் என்பதை பொழுதுபோக்கு அம்சங்களுடன், மிரட்டலாக சொல்லியிருக்கும் படம் பொல்லாதவன்.
