இந்நிலையில் இன்று சென்னை சேப்பாக்கம் மைதானத்தில் நடைபெற உள்ள லீக் போட்டியில் சிஎஸ்கே அணி தோல்விக்கு பதிலடி கொடுக்குமா என்ற எதிர்பார்ப்பு எழுந்துள்ளது. மேலும் இன்று சென்னை அணியிலும் மாற்றங்கள் செய்யப்பட்டுள்ளன. கடந்த சீசனில் சிஎஸ்கே அணிக்காக கலக்கலாக விளையாடிய டெவான் கான்வே இன்றைய மேட்ச்சில் பேட்டிங் இறங்குவார் என எதிர்பார்க்கப்படுகிறது. அதுபோல இங்கிலாந்தின் அதிரடி பவுலர் ரிச்சர்ட் க்ளீசனையும் சிஎஸ்கே இன்று களமிறக்கலாம் என எதிர்பார்க்கப்படுகிறது.
இதுவரையிலான போட்டிகளில் பல விக்கெட்டுகளை வீழ்த்தி மாஸ் காட்டிய லக்னோ வீரர் மயங்க யாதவ் இந்த போட்டியில் கலந்து கொள்ளவில்லை. அதேசமயம் டி காக், கே எல் ராகுல் பேட்டிங் செயல்பாடுகள் மேம்பட்டுள்ளது. இதனால் இன்றும் கத்திமுனை போட்டியாக இந்த போட்டி அமையும் என்று எதிர்பார்க்கப்படுகிறது.
