இந்நிலையில், பிளே ஆப் மற்றும் இறுதி போட்டி நடைபெறும் தேதி மற்றும் இடங்கள் குறித்த தகவல் வெளியாகி உள்ளது. ஏறத்தாழ 12 ஆண்டுகளுக்கு பின் நடப்பு ஐபிஎல் சீசன் இறுதிப் போட்டி சென்னை சேப்பாக்கம் மைதானத்தில் மே 26ஆம் தேதி
நடைபெற உள்ளதாக அறிவிக்கப்பட்டுள்ளது.
மே 21 மற்றும் 22 ஆம் தேதிகளில் முதலாவது தகுதிச் சுற்று மற்றும் வெளியேற்றுதல் சுற்று நடத்த திட்டமிடப்பட்டு உள்ளது. மே 20ஆம் தேதியுடன் லீக் ஆட்டங்கள் நிறைவு பெறும் நிலையில், ஒருநாள் இடைவெளியில் பிளே ஆப் சுற்றுகள் நடைபெற உள்ளது.
முதலாவது தகுதிச் சுற்று மே 21ஆம் தேதி மற்றும் வெளியேற்றுதல் சுற்று மே 22ஆம் தேதி அகமதாபாத் நரேந்திர மோடி மைதானத்தில் நடைபெற உள்ளது. மேலும், 2வது தகுதிச் சுற்றுமே 24ஆம் தேதி சென்னையில் நடைபெற உள்ளது. இறுதியாக மே 26ஆம் தேதி சென்னை சேப்பாக்கம் மைதானத்தில் இறுதிப் போட்டி நடைபெற உள்ளது.
