தென்னாப்பிரிக்க கிரிக்கெட் வீரரான டிவில்லியர்ஸ் நாடு தாண்டியும் உலக கிரிக்கெட் ரசிகர்களால் கொண்டாடப்பட்டவர். அதற்குக் காரணம் அவரின் வித்தியாசமான ஷாட்களும் அதிரடியான ஆட்டமும்தான். அவர் தலைமையில் 2015 ஆம் ஆண்டு தென்னாப்பிரிக்க அணி உலகக் கோப்பை வெல்லும் என எதிர்பார்க்கப்பட்டது. ஆனால் துரதிர்ஷ்டவசமாக அது நடக்கவில்லை.
இந்நிலையில் சாம்பியன்ஸ் உலகக் கோப்பை தொடரில் தென்னாப்பிரிக்கா அணிக்காக விளையாடி வருகிறார். இந்த தொடரில் இங்கிலாந்து அணிக்கு எதிரான போட்டியில் அவர் 51 பந்துகளில்116 ரன்கள் சேர்த்து துவம்சம் செய்துள்ளார். இந்த இன்னிங்ஸில் அவர் 15 பவுண்டரிகளும் 7 சிக்ஸர்களும் பறக்கவிட்டுள்ளார். இதன் மூலம் தென்னாப்பிரிக்கா அணி இங்கிலாந்து அணி நிர்ணயித்த 153 ரன்கள் என்ற இலக்கை விக்கெட் இழப்பின்றி 13 ஆவது ஓவரிலேயே எட்டியது.
