முண்டாசுப்பட்டி இயக்குனர் ராம்குமார் இயக்கத்தில் விஷ்ணு விஷால், அமலா பால், முனீஸ்காந்த் மற்றும் பலர் நடித்து கடந்த அக்டோபர் 5-ந் தேதி வெளியான ராட்சசன் படம் விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றுள்ளது.
தியேட்டர்கள் மூலம் நல்ல லாபத்தை ஈட்டியுள்ள இந்த படம் தற்போது ரீமேக் ரைட்ஸ் மூலமாகவும் நல்ல லாபம் சம்பாதித்து வருகிறது. இப்படத்தின் இந்தி ரீமேக் ரைட்ஸை இப்படத்தின் நாயகன் விஷ்ணு விஷாலே வாங்கியுள்ளார். அதையடுத்து இப்படத்தின் இசையமைப்பாளர் ஜிப்ரானின் நண்பர் ஒருவர் இந்த படத்தினை ஹாலிவுட்டில் ரீமேக் செய்ய கேட்டுள்ளதாக தகவல் பரவி வருகிறது. இந்த பேச்சுவார்த்தைகள் வெற்றியடையும் பட்சத்தில் தமிழில் இருந்து ஹாலிவுட்டிற்கு ரீமேக் ஆகும் முதல் படமாக ராட்சசன் அமையும்.
