இதனால் இப்பாடசாலை கடந்த பல வருடங்களாக அடிப்படை வசதிகள் ஏதுவுமற்ற நிலையில் வெறுமனே 182 மாணவர்களுடன் சுண்ணாகத்தில் தற்காலிக இடத்தில் இயங்கி வருகின்றது. இன்றைக்கு பாடசாலை 200வது ஆண்டைக் கொண்டாடுகின்ற நிலையில், கடந்த 27 வருட படையினர் ஆக்கிரமிப்பில் இருந்து விடுவிக்கப்பட்டுள்ளதை பாடசாலையின் அதிபர் தமிழ்செல்வி சண்முகானந்தம் மகிழ்ச்சியுடன் வரவேற்றுள்ளார்.
அத்தோடு இப்பாடசாலையை மீண்டும் அதே இடத்தில் ஆரம்பிப்பதற்கான அனைத்து உதவிகளையும் வழங்க வேண்டுமென்றும் கேட்டுள்ள பாடசாலை அதிபர், அப்படிச்செய்தால் முன்புபோல இப்பாடசாலை தேசிய அளவில் பல சாதனைகளை படைக்குமென்றும் நம்பிக்கை வெளியிட்டுள்ளார்.
அதே போன்று யாழ் மாவட்டத்தின் ஏனைய சில இடங்களில் படையினர் வசமிருந்த குரும்பசிட்டி கிராம அபவிருத்தி சங்க காணி, தெல்லிப்பளை பலநோக்கு கூட்டுறவு சங்க காணி மற்றும் பொது மக்களின் காணிகள் உட்பட நான்கு ஏக்கர் காணிகளும் விடுவிக்கப்பட்டுள்ளமையும் குறிப்பிடத்தக்கது. ஆனாலும் பாடசாலைக்குச் சொந்தமான காணிகள் அனைத்தும் முழுமையாக விடுவிக்கப்படவில்லை என்றும் பாடசாலை பழையமாணவர் சமூகத்தினர் தெரிவித்துள்ளனர்.
