தமிழக சட்டபேரவை தேர்தலில் பாஜக கிட்டத்தட்ட தனித்தே போட்டியிடுகிறது என்றுதான் சொல்லவேண்டும். தேமுதிக உள்ளிட்ட கட்சிகளை இழந்தது பாஜகவுக்கு பெரும் பின்னடைவாகவே கருதப்படுகிறது. இதனால் அக்கட்சி வேட்பாளர்கள் பிரச்சாரத்தில் அதிக ஈடுபாடு காட்டுவதாக தெரியவில்லை. இந்நிலையில் பாஜக கூட்டணி வேட்பாளர் ஒருவர் திடீரென அதிமுகவில் இணைந்தார். இவர் இந்திய மக்கள் கல்வி முன்னேற்றக்கழகத்தின் நிர்வாகியாக பதவி வகித்தார்.
