கமல் -’உச்சம் தொட்டு வளர்க’ : வைரமுத்து வாழ்த்து

மக்கள் நீதி மையத்தின் தலைவரும், நடிகருமான நடிகர் கமல்ஹாசனுக்கு  இன்று தனது  64 வது  பிறந்தநாள். அதைமுன்னிட்டு பல பிரபலங்கள் அவருக்கு வாழ்த்து கூறிவருகின்றனர்.

இந்நிலையில் மீடூ விவகாரத்திற்கு பிறகு பொதுவெளியில் பேசாமல் ,டிவிட்டர் பதிவிடாமல் இருந்த கவிஞர் வைரமுத்து தமிழ் மொழியில் தேர்வு எழுத மாணவர்களை அனுமதிக்க வேண்டும் என அறிக்கை வெளியிட்ட மருத்துவர் ராமதாஸின் கருத்தை  வழிமொழிவதாக தன் டிவிட்டர் பக்கத்தில் பதிவிட்டிருந்தார் வைரமுத்து. 

இதனையடுத்து தமிழ் சினிமாவில் மூத்த நடிகரும் அவருடைய நீண்டகால நண்பருமான கமல்ஹாசனுக்கு இன்று பிறந்த  தினம் என்பதால் வைரமுத்து அவருக்கு வாழ்த்து கூறி டிவிட் செய்துள்ளார்.

அதில் என் அருமை நண்பர் கமல் எந்த துறையைத் தொட்டாலும் அதில் உச்சம் தொட்டு வளர்க அவர் பிறந்த நாளுக்கு என வளர்பிறை வாழ்த்துக்கள் இவ்வாறு  பதிவிட்டிருக்கிறார்.

இந்த  வாழ்த்தில் கமல்ஹாசனின் அரசியல் பயணம் வெற்றி பெறவும் ஆட்சியை பிடிக்க வேண்டும் என மறைமுகமாக கூறுவது போலுள்ளது என அரசியல் விமர்சகர்கள் கருதுகிறார்கள்.