ரசிகர்களுக்கு பரிச்சயமில்லாத நடிகர் நடிகைகள் மற்றும் இதுவரை வெளியே தெரியாத இயக்குனர் என குறைந்த பட்ஜெட்டில் உருவான திரௌபதி திரைப்படம் மிகப்பெரிய வெற்றி பெற்றது. கிட்டத்தட்ட 330 திரைகளில் வெளியான இந்த படம் இதுவரை 14 கோடி ரூபாய் வசூலித்து உள்ளதாக சொல்லப்படுகிறது. இந்த வருடம் வெளியானப் படங்களில் மிகப்பெரிய வெற்றி படம் என்றால் அது திரௌபதி திரைப்படம்தான் எனக் கோலிவுட்டில் பேச்சு எழுந்துள்ளது.இதனால் அந்த இயக்குனரின் அடுத்த படத்தின் மீது எதிர்பார்ப்புகள் எழுந்துள்ளன.
இந்நிலையில் மீண்டும் திரௌபதி படத்தின் கதாநாயகன் ரிச்சர்ட்டுடன் மீண்டும் இணைவதை இயக்குனர் மோகன் அறிவித்துள்ளார். இந்நிலையில் ரசிகர் ஒருவர் அவரிடம் சமூகவலைதளத்தில் சிம்புவுடன் இணைந்து நீங்கள் ஒரு படம் செய்தால் மாஸாக இருக்கும் என தனது ஆசையை வெளிப்படுத்தினார். அவருக்குப் பதிலளித்துள்ள மோகன் ‘சிம்பு ரெடி என்றால் நானும் ரெடி…என்னுடைய அடுத்தப் படத்தை முடித்துவிட்டு அதன் பின் சிம்புவிடம் செல்வேன்’ எனக் கூறியுள்ளார்.
