கடந்த 2017ம் ஆண்டு விஜய் டிவியில் ஒளிபரப்பாகி பல்வேறு பொழுதுபோக்கு நிகழ்ச்சிகள் மத்தியில் பெரும் வரவேற்பை பெற்ற நிகழ்ச்சி பிக்பாஸ். ரசிகர்கள் மத்தியில் அமோக வரவேற்பை பெற்ற இந்த நிகழ்ச்சி சீசன் 1 , சீசன் 2 , என்ற இரண்டு பாகமும் பட்டிதொட்டியெங்கும் பரவியது. இந்த நிலையில் சமீபத்தில் பிக்பாஸ் 3 சீசனுக்கான பணிகள் துவங்கியது. கமல் பங்குபெறும் ப்ரோமோ ஷூட் படுமும்முரமாக நடைபெற்று வருகிறது.
ரசிகர்களின் ஏகோபித்த வரவவேற்பை பெற்ற பிக் பாஸ் 3 சீசனும் விஜய் டிவியில் ஒளிபரப்பாக உள்ளது. நேற்று இதற்கான முதற்கட்ட வேலைகள் தொடங்கிய நிலையில் வருகிற ஜூன் மாதம் இரண்டாம் வாரத்தில் இந்த நிகழ்ச்சி தொலைக்காட்சியில் ஒளிபரப்பாகும் என எதிர்பார்க்கபடுகிறது. இந்நிலையில் தற்போது பிக்பாஸ் 3-வது நிகழ்ச்சியில் கலந்து கொள்ளும் போட்டியாளர்கள் பற்றிய செய்திகளும் வந்த வண்ணம் இருக்கிறது.
இந்த லிஸ்டை பார்த்தால் கடந்த 2 சீசனை விட இது மிகவும் சுவாரஸ்யமான போட்டியாக இருக்கும் போல் தெரிகிறது ஏனென்றால் சர்ச்சைக்கு பஞ்சமில்லாதவகையில் கஸ்தூரி, ராதாரவி என்று சர்ச்சையான நடிகர்களை தேர்ந்தெடுத்துள்ளனர். இந்த லிஸ்டை கண்ட நெட்டிசன்கள் கமலுக்கு பஞ்சாயத்து தீர்த்து வைக்கவே நேரம் பத்தாது போலயே என்று கமெண்ட்ஸ் செய்து வருகின்றனர்.
