மகளிர் குழு வில்வித்தை: காலிறுதியில் சீனாவிடம் இந்தியா தோல்வி!

பீஜிங் ஒலிம்பிக் போட்டியில் மகளிருக்கான காலிறுதி வில்வித்தை குழு போட்டியில் சீன அணியிடம் இந்தியா போராடித் தோற்றது.

இன்று நடந்த இப்போட்டியில் இந்திய மகளிர் அணியான பம்பைலா தேவி, டோலா பானர்ஜி, பிரனீதா மூவரும் துவக்கத்தில் சீனக் குழுவுக்கு (லின் ஜியாங், வென்குவான்லி, பெஃங்-சூ) ஈடுகொடுத்து விளையாடினாலும், இறுதியில் 6 புள்ளிகள் வித்தியாசத்தில் தோல்வியுற்றனர்.

இதில் இந்திய அணி 5 முறை பத்து புள்ளிகளை ஈட்டினாலும், சீனா 9 முறை பத்து புள்ளிகளை ஈட்டி அரையிறுதியில் தனக்கான இடத்தைப் பதிவு செய்தது. இப்போட்டியில் இந்தியா மகளிர் அணி 206 புள்ளிகளும், சீன அணி 211 புள்ளிகளும் பெற்றுள்ளன.

குழுப் போட்டியில் தோல்வியுற்றாலும், 12ஆம் தேதி நடைபெற உள்ள தனி நபர் போட்டிகளில் இந்தியா பதக்கம் வெல்ல வாய்ப்புள்ளது என்பது நினைவில் கொள்ளத்தக்கது.