மெல்போர்னில் நடைபெறும் ஆஸ்ட்ரேலிய, இங்கிலாந்து அணிகளுக்கு இடையிலான 4-வது டெஸ்ட் போட்டியின் 3ஆம் நாளான இன்று ஆஸ்ட்ரேலியா தன் இரண்டாவது இன்னிங்ஸில் 6 விக்கெட்டுகளை இழந்து 169 ரன்கள் எடுத்து இன்னிங்ஸ் தோல்வியை நோக்கிச் சென்று கொண்டிருக்கிறது.
ஆட்ட முடிவில் முன்னணி வீரர்கள் அனைவரும் ஆட்டமிழக்க பிராட் ஹேடின் 11 ரன்களுடனும், மிட்செல் ஜான்சன் 6 ரன்களுடனும் விளையாடி வருகின்றனர்.
முன்னதாக டிம் பிரெஸ்னன் வீசிய அபாரமான் ரிவர்ஸ் ஸ்விங் பந்து வீச்சிற்கு ஆஸ்ட்ரேலிய வரிசை நிலைகுலைந்தது.
வாட்சன் மட்டுமே அதிகப்ட்சமாக 54 ரன்கள் எடுத்தார். ஹியூஸ் 23, பாண்டிங் 20, கிளார்க் 13, ஹஸ்ஸி 0, ஸ்மித் 38 ஆகியோர் ஆட்டமிழந்தனர்.
ஸ்மித் சிறப்பாக விளையாடினார். ஆண்டர்சன் ஒரு விக்கெட்டையும் கிரேம் ஸ்வான் அபாரமான ஒரு பந்தில் கிளார்க் விக்கெட்டை வீழ்த்தினார்.
இன்னமும் 4 விக்கெட்டுகள் மீதமிருக்க இன்னிங்ஸ் தோல்வியைத் தவிர்க்க மேலும் 246 ரன்கள் தெவைப்படும் சூழலில் நாளை ஆஸ்ட்ரேலியா களமிறங்குகிறது.
