தாங்கள் வணங்கும் தெய்வத்தின் மீது கொண்டுள்ள நம்பிக்கையினாலும், பக்தியினாலும் சிலர் எதையும் செய்கின்றனர்...
நம்பினால் நம்புங்கள் தொடரில் இந்த வாரம் சக்தி வழிபாட்டில் சில பக்தர்கள் தங்களுடைய உடலை வறுத்திக் கொள்வதையும், அசாதாரணமான செயல்களில் ஈடுபடுவதையும் தங்களது பார்வைக்கு கொண்டு வருகின்றோம்.
சக்தியை வழிபடும்போது பக்தியில் தீவிரம் அதிகமாக இருப்பது சாதாரணமானதே என்றாலும், நவராத்திரி விழாவின்போது அது அந்த எல்லைகளை மீறிவிடுகிறது.
webdunia photo
WD
துர்கை கோயில்கள் பலவற்றில் பக்தியின் பரவசத்தால் சில பக்தர்கள் சாமியாடுவதைக் கண்டிருக்கிறோம். அவர்களுக்கு தங்களது மனதின் மீதும், உடலின் மீதும் எந்தக் கட்டுப்பாடும் இருக்காது.
முதலில், மத்தியப்பிரதேச மாநிலம் இந்தூரில் உள்ள துர்கா கோயிலுக்குச் செல்வோம். இந்தக் கோயிலில் உள்ள சக்தி மாதா அங்குள்ள பூசாரியின் உடலுக்குள் இறங்குவதாக கூறப்படுகிறது.
நாங்கள் அங்கே போயிருந்தபோது, அக்கோயிலில் கண்ட காட்சி எங்களை அதிர்ச்சிக்குள்ளாக்கியது. தங்களது கைகளில் வாளை ஏந்திக் கொண்டு வாயில் கற்பூரம் எரிய பக்தர்களுக்கு இடையே அந்த பூசாரி குதித்துக் கொண்டிருந்தார். அவரை துர்கா மாதாவின் அவதாரமாகவே நினைத்து பக்தர்கள் வழிபட்டனர். அவர்களில் சிலர் வணிகர்கள். மற்ற சிலர் அரசு ஊழியர்கள். எல்லா ஜாதியைச் சேர்ந்தவர்களும் அங்கே இருந்தனர்.
இப்படி அம்மன் சக்தி தன்னுள் இறங்குவதாகக் கூறும் பூசாரி சுரேஷ் பாபாவிடம் பேசினோம். தனது உடலில் துர்கா மாதாவின் சக்தி இறங்குவதாகவும் இது பல ஆண்டுகளாக நடந்து வருவதாகவும் கூறினார்.
webdunia photo
WD
12 ஜோதிர் லிங்கங்களில் ஒன்றான ஓம்காரேஷ்வர் ஆலயத்தில் தனக்கு இந்த அருள் கிட்டியதாகத் தெரிவித்தார். தன்னிடம் வரும் எவரும் வெறுங்கையுடன் திரும்புவதில்லை என்றும், அவர்களுடைய எதிர்பார்ப்புகளை துர்கா மாதா நிறைவேற்றியிருப்பதாகவும் கூறினார்.
webdunia photo
WD
இப்போது நாம் இந்தூர் - தார் சாலையில் உள்ள ஒரு கிராமத்திற்குச் செல்வோம். இங்குள்ள குளக்கரையில் அமைந்துள்ள சக்தி தேவியின் கோயிலில் நடைபெறும் வழிபாடு பயங்கரமானது. சில பெண்கள் அரிவாளால் தங்களது நாக்கை வெட்டுகின்றனர். தங்களுடைய உடலை பல்வேறு விதத்திலும் வறுத்திக் கொள்கின்றனர்.
இப்படிப்பட்ட நிகழ்வுகள் மத்தியப் பிரதேசத்தின் பல்வேறு இடங்களிலும் நடந்து கொண்டுதான் இருக்கிறது.
சிலர் தங்களை துர்கா அம்மனின் அவதாரமாக நம்புகின்றனர். மேலும் சிலர் மாகாளி தங்களுக்குள் இருப்பதாக சொல்கின்றனர்.
இதனால் வழிபாடு என்பது மிக அபாயகரமான வடிவத்திற்கு மாறிவிடுகிறது. பக்தியினால் சாமியாடும் இந்த பக்தர்கள் இங்கு ரத்தத்தை தாங்கள் வணங்கும் தெய்வத்திற்கு காணிக்கையாக்குகின்றனர்.
webdunia photo
WD
மா ஆந்திரி என்று அழைக்கப்படும் சக்திக் கோயிலுக்குச் செல்வோம். இங்குள்ள மாகாளிக்கு தங்களுடைய நாக்கை காணிக்கையாக அளிப்பவர்களின் எதிர்பார்ப்புகள் அனைத்தும் நிறைவேறும் என்பது நம்பிக்கையாக உள்ளது. பல்லாயிரக்கணக்கான பக்தர்கள் இங்கு தங்களது நாக்கை காணிக்கையாக்கியுள்ளனர் என்று இக்கோயில் பூசாரி கூறுகிறார்.
மனோகர் ஸ்வரூப் என்ற பக்தர், தனது நாக்கை மாகாளிக்கு அளிக்கின்றார். 12 ஆண்டுகளாக தனக்கு குழந்தை பிறக்காத நிலையில் இங்கு வந்த மனோகர் ஸ்வரூப், மா ஆந்திரியிடம் தனக்கு பிள்ளை வரம் அளித்தால் நாக்கை அறுத்து காணிக்கை அளிப்பதாக வேண்டிக் கொண்டார். அதன்படியே அவருக்கு குழந்தை பிறந்தது. எனவே தனது வேண்டுதலை நிறைவேற்ற அவர் இங்கு வந்துள்ளார் என்று அவரது சகோதரர் கூறினார்.
எங்களது கண்ணிற்கு முன் தனது நாக்கை அறுத்து மனோகர் ஸ்வரூப் காணிக்கையாக்கினார். இவரைப் போலவே மேலும் பலர் நாக்கை அறுத்து காணிக்கையாக்கினர்.
webdunia photo
WD
நாக்கை அறுத்து காணிக்கையாக்கியப் பிறகு மேலும் சில நாட்கள் இந்த கோயிலில்தான் தங்க வேண்டுமாம், தங்க வேண்டும் என்பது கட்டாயம் என்று ஒரு நம்பிக்கை நிலவுகிறது. 8 முதல் 10 நாட்கள் வரை இந்த கோயிலில் தங்கியிருக்கும்போது நாக்கை அறுத்ததினால் இழந்த பேச்சாற்றாலை அவர்கள் திரும்பப் பெறுகின்றனர். தான் அவ்வாறு பேச்சாற்றலை திரும்பப் பெற்றதாக பிரபாத் தேவ் என்பவர் எங்களிடம் தெரிவித்தார்.
மா ஆந்திரி மாதாவிற்கு இப்படி நாக்கை அறுத்து காணிக்கை செலுத்தும் காட்சியைக் கண்ட நாங்கள் பெரும் அதிர்ச்சி அடைந்தோம். இந்த காட்சி எங்கள் மனதில் பல கேள்விகளை எழுப்பியது. தங்களது உடலை வறுத்திக் கொள்வதால் மா துர்காவை திருப்தி செய்ய முடியுமா? அப்படிப்பட்ட நடவடிக்கையால் அவர்கள் நினைத்தது நிறைவேறுமா? சாமியாடுகிறார்களே அவர்களது உடலுக்குள் இயற்கைக்கு அப்பாற்பட்ட சக்தி இறங்குகிறதா? இந்த கேள்விகளுக்கு எல்லாம் எங்களுக்கு பதில் கிட்டவில்லை.
நீங்கள் என்ன நினைக்கிறீர்கள்... எங்களுக்கு எழுதுங்கள்.
