தமிழக பாஜக தலைவர் பதவி தனக்கு அளித்தால் பாஜக வாங்கி வங்கியை அதிகரித்து காட்டுவேன் என நடிகரும், பாஜக பிரமுகரான எஸ்.வி.சேகர் தெரிவித்துள்ளார்.
தமிழிசை சவுந்தரராஜன் தற்போது தமிழக பாஜக தலைவர் பதவியில் நீடித்து வருகிறார். ஆனால், தமிழகத்தில் காலூன்ற பாஜக எடுத்து வரும் அத்தனை முயற்சிகளும் தோல்வியிலேயே முடிந்து வருகிறது. ஆர்.கே.நகர் தேர்தலில் பாஜக நோட்டோவுடன் போட்டி போட்டு பாஜகவினருகு பெரும் தலைகுனிவை ஏற்படுத்தியது.
இது ஒருபுறம் எனில், எஸ்.வி.சேகர், பாஜக தேசிய செயலாளர் ஹெச்.ராஜா போன்றோர் தெரிவிக்கும் கருத்து தொடர்ந்து சர்ச்சைகளை ஏற்படுத்தி மக்களிடையே கடும் அதிருப்திக்கு உள்ளாக்கியிருக்கிறது.
இந்நிலையில், ஸ்ரீவில்லிபுத்தூரில் ஒரு கோவிலுக்கு வந்த அவரிடம், தமிழக பாஜக தலைமையை ஏற்க முன் வருவீர்களா? என ஒரு நிருபர் கேள்வி எழுப்பினார். அதற்கு பதில் கூறிய எஸ்.வி.சேகர் “ வாய்ப்பு கிடைத்தால் கண்டிப்பாக அதை ஏற்பேன். தற்போது பாஜகவிற்கு என்ன வாக்கு வங்கி உள்ளதோ அதை விட அதிக வாக்குகளை நான் பெற்று தருவேன்” என அவர் தெரிவித்தார்.