இடைத்தேர்தல் நடத்துவது தொடர்பாக மாநிலத் தேர்தல் ஆணையம் வெளியிட்ட அறிவிப்பாணையை ரத்து செய்யக் கோரி, தாக்கல் செய்யப்பட்டிருந்த மனு மீதான விசாரணை, 2014 செப்.12 அன்று, தலைமை நீதிபதி கே.எஸ். கவுல், நீதிபதி எஸ். சத்தியநாராயணன் ஆகியோர் முன்பு விசாரணைக்கு வந்தது.
அப்போது மாநிலத் தேர்தல் ஆணையம் சார்பில் ஆஜரான அரசு தலைமை வழக்கறிஞர் சோமையாஜி, தேர்தல் விதிமுறைகளின் படி, அறிவிப்பாணை வெளியிடப்பட்டுள்ளது என்று தெரிவித்தார்.
மனுக்கள் பெறப்படும் ஏழு நாள்களும் வேலை நாள்களாக இருக்க வேண்டும் என்று சட்ட விதியில் குறிப்பிடப்படவில்லை என்று கூறிய நீதிபதிகள், தேர்தல் ஆணையத்தின் அறிவிப்பாணையை ரத்து செய்ய முடியாது என்று கூறி, மனுவைத் தள்ளுபடி செய்தனர்.
