4 வயது சிறுமிக்கு பாலியல் தொந்தரவு: மாற்றுத்திறனாளிக்கு 5 வருட சிறைதண்டனை
திங்கள், 20 ஜூன் 2016 (17:49 IST)
நான்கு வயது சிறுமிக்கு, பாலியல் தொந்தரவு கொடுத்த மாற்றுத்திறனாளி முதியவருக்கு 5 ஆண்டு சிறை தண்டனையும், ஆயிரம் ரூபாய் அபராதமும் விதித்து மகளிர் விரைவு நீதிமன்றம் தீர்ப்பு அளித்தது.
கரூரை அடுத்த காந்திகிராமம் ஈ.பி காலணியை சார்ந்தவர் சிவா. டெக்ஸ்டைல் தொழிலாளியான இவருக்கு 4 வயதில் ஒரு மகள் இரூக்கிறாள். அந்த சிறுமியை, அதே பகுதியை சார்ந்த முனியப்பன் என்ற 50 வயது மாற்றுத்திறனாளி முதியவர் கடந்த 9.4.2014ம் தேதி சிறுமியை தனது வீட்டிற்கு அழைத்துச் சென்று பாலியல் தொந்தரவு கொடுத்துள்ளார்.
இது தொடர்பாக சிறுமியின் தந்தை சிவா பசுபதிபாளையம் காவல் நிலையத்தில் புகார் கொடுத்துள்ளார். இதனையடுத்து முதியவரை போலீசார் கைது செய்து சிறையில் அடைத்தனர்.
இது தொடர்பான வழக்கு மகளிர் விரைவு நீதிமன்றத்தில் நடைபெற்று வந்தது. இதனை விசாரித்த அமர்வு நீதிபதி குணசேகரன், சிறுவர் பாலியல் வன்கொடுமை தடுப்புச் சட்டத்தின் கீழ் குற்றவாளிக்கு 5 ஆண்டு சிறை தண்டனையும், ஆயிரம் ரூபாய் அபராதமும் விதித்து தீர்ப்பளித்தார்.
இதனையடுத்து குற்றவாளி திருச்சி மத்திய சிறையில் அடைக்க அடைக்கப்பட்டார்.
