தமிழகத்தில் திமுக - காங்கிரஸ் கூட்டணியை ஒழிக்க வேண்டும் முதல்வர் ஜெயலலிதா ஆவேசம் காட்டியுள்ளார்.
தமிழ்நாடு சட்ட மன்ற தேர்தல் மே 16 ஆம் நடைபெற உள்ளது. இதனை முன்னிட்டு, அதிமுக பொதுச் செயலாளரும், முதல்வருமான ஜெயலலிதா தேர்தல் பிரசாரம் செய்து வருகிறார். அவர், மதுரை சுற்றுச்சாலை, பாண்டிகோயில் அருகில் உள்ள அருள்மிகு பாண்டி முனீஸ்வரர் திடலில், மதுரை, தேனி, திண்டுக்கல், சிவகங்கை, ராமநாதபுரம், திருநெல்வேலி, தூத்துக்குடி, கன்னியாகுமரி, தருமபுரி மற்றும் தஞ்சாவூர் வடக்கு ஆகிய மாவட்டங்களில் போட்டியிடும் 47 வேட்பாளர்களை ஆதரித்து பிரசாரம் செய்தார். அப்போது அவர் பேசுகையில்,
நாடாளுமன்ற தேர்தலில் கொடுத்த பலமான அடியை விட சட்டமன்றத் தேர்தலில் திமுகவுக்கு சம்மட்டி அடி கொடுக்க வேண்டும். மேலும், திமுக - காங்கிரஸ் கூட்டணியை ஒழிக்க வேண்டும் என்றார்.