மாணவர்களின் போராட்டம் நாளுக்கு நாள் தீவிரமடைந்து வருவதால், அனைத்துக் கல்லூரிகளையும் அதனோடு இணைந்த விடுதிகளையும் உடனடியாக மூடும்படி புதுச்சேரி அரசு உத்தரவிட்டுள்ளது.
இதுகுறித்துப் புதுவை அரசின் கல்லூரிக் கல்வி இயக்குநர் ஜெயந்த குமார் ரே விடுத்துள்ள செய்திக் குறிப்பில், "மாணவர்களிடையே பதற்றமான சூழ்நிலை நிலவுவதால், மாநிலத்தில் தனியார் மற்றும் அரசு கல்லூரிகள் உள்ளிட்ட அனைத்து கல்லூரிகளும், மாணவர் விடுதிகளும் மறு உத்தரவு வரும் வரை மூடப்பட்டு இருக்கும்'' என்று கூறப்பட்டுள்ளது.
கல்லூரி விடுதிகளில் தங்கியுள்ள மாணவர்கள் அனைவரும் உடனடியாக விடுதிகளைக் காலி செய்யுமாறு கேட்டுக்கொள்ளப்பட்டுள்ளனர்.
