சிறிலங்க ராணுவத்துக்கு இந்திய அதிகாரிகள் உதவி செய்யும் விவகாரத்தில் மத்திய அரசு தனது மெளனத்தை களைத்து உண்மையை தெளிவுப்படுத்த வேண்டும் என்றும் அவர் வலியுறுத்தியுள்ளார்.
"இலங்கையில் சிறிலங்கப் படையினருக்கும் தமிழீழ விடுதலைப் புலிகளுக்கும் இடையில் முழு அளவிலான போர் நடந்து வருகிறது. போரினால் பாதிக்கப்பட்டுள்ள பகுதிகளுக்கு ஐ.நா அமைப்புகள் மற்றும் தொண்டு நிறுவனங்களின் உதவி கிடைப்பதில் சிறிலங்க அரசு தடைகளை ஏற்படுத்தி வருகிறது. இதனால் போரினால் பாதிக்கப்பட்டுள்ள பகுதிகளில் வாழும் மக்களுக்கு மருந்து, உணவு கிடைப்பதில் தட்டுப்பாடு ஏற்பட்டுள்ளது" என்ற ராஜா, "காங்கிரஸ் தலைமையிலான மத்திய அரசு ராஜபக்ச அரசிற்கு உதவுகிறதா என்பது குறித்த பல கேள்விகளுக்கு மத்திய அரசு மவுனம் சாதிக்கிறது. இதில், உண்மையை தெளிவுப்படுத்த வேண்டும்" என்று வலியுறுத்தினார்.
