விவசாய நிலம் கையகப்படுத்தப்பட்ட விவகாரத்தில் திரிணாமுல் காங்கிரஸ் கட்சியினரின் நடத்தும் தொடர்ச்சியான போராட்டங்கள் காரணமாக, நானோ ரக கார் தயாரிப்புத் தொழிற்சாலையை சிங்கூரில் இருந்து வேறு இடத்திற்கு மாற்ற டாடா நிறுவனம முடிவு செய்துள்ளது.
இந்த பிரச்சனைக்கு முடிவு காண முயன்ற மேற்கு வங்க ஆளுநர் கோபால கிருஷ்ண காந்தி, திரிணாமுல் காங்கிரஸ் கட்சித் தலைவர் மம்தா பானர்ஜிக்கு எழுதியுள்ள கடிதத்தில், சிங்கூர் நிலப் பிரச்சனையில் தொடர்புடைய அனைவரும், இதனால் ஏற்பட்டுள்ள சமூக பாதிப்புக்களை கருத்தில் கொள்ள வேண்டும் என்று கூறியிருந்தார்.
இதையடுத்து மம்தா பானர்ஜி, தான் பேச்சுவார்த்தை நடத்த தயாராக இருப்பதாகவும், ஆனால் போராட்டம் தொடரும் என்று அறிவித்தார்.
