அணு சக்தி ஒத்துழைப்பு ஒப்பந்தத்தை பெறுவதற்காக என்ன விலை வேண்டுமானாலும் கொடுக்க முடியாது என்றும், அணு சக்தி தொழில்நுட்ப வணிகத்திற்கு விலக்குடன் கூடிய அனுமதி அளிப்பதற்காக அணு சக்தி தொழில்நுட்ப வணிகக் குழு (என்.எஸ்.ஜி.) புதிய நிபந்தனைகளை விதித்தால் அதை ஏற்க முடியாது என்றும் இந்திய அணு சக்தி ஆணையத் தலைவர் அனில் ககோட்கர் கூறியுள்ளார்.
அணு சக்தி ஒத்துழைப்பு ஒப்பந்தத்தை ஏற்றுக்கொள்ளுமாறு இந்தியாவை ஒருபோதும் நிர்ப்பந்திக்க முடியாது என்று தெளிவுபடுத்திய அவர், ஜூலை 18, 2005 அன்று விடுக்கப்பட்ட இந்திய- அமெரிக்க கூட்டறிக்கையில் குறிப்பிடப்பட்டுள்ள கட்டுப்பாடுகளுக்கு உட்பட்டிருந்தால் மட்டுமே என்.எஸ்.ஜி. அளிக்கும் விலக்குடன் கூடிய அனுமதியை இந்தியா ஏற்றுக்கொள்ளும் என்று உறுதியளித்தார்.
