தமிழின் தலைசிறந்த நாவலாசிரியர்களில் ஒருவரான நீல பத்மநாபன் இந்த ஆண்டுக்கான சாகித்ய அகாதெமி விருதுக்கு தேர்வு செய்யப்பட்டுள்ளார். இவர் நாகர்கோவிலைச் சேர்ந்தவர்.
"இலையுதிர் காலம்' என்ற நாவலுக்காக இந்த விருது தரப்படுகிறது. இது முதியோர் பிரச்னை பற்றிய நாவல். "தலைமுறைகள்', "பள்ளிகொண்டபுரம்' என்ற அவருடைய நாவல்களும் ரசிகர்களால் மிகவும் விரும்பிப் படிக்கப்படுபவை.
இந்த ஆண்டு 23 படைப்பாளிகளுக்கு விருது வழங்கப்படுகிறது. ஒவ்வொரு மொழியிலும் நல்ல தேர்ச்சி உள்ள 3 பேர் கொண்ட நடுவர் குழுவால் பரிசுக்குரிய நூல்கள் தேர்வு செய்யப்பட்டன. அவ்விதம் தேர்வு செய்யப்பட்டவர்களின் பட்டியலுக்கு சாகித்ய அகாதெமி தலைவர் பேராசிரியர் கோபிசந்த் நரங் தலைமையிலான நிர்வாகக் குழு தில்லியில் புதன்கிழமை ஒப்புதல் அளித்தது.
விமர்சன நூல்கள்: குந்தன் மல் (ராஜஸ் தானி), வஹாப் அஷ்ரஃபி (உருது)
சரிதை: ஜி.எம். பவார் (மராட்டி)
சுயசரிதை: கடியாரம் ராமகிருஷ்ண சர்மா (தெலுங்கு)
விருதுடன் 50 ஆயிரம் ரூபாய் ரொக்கம், செப்புப் பட்டயம் ஆகியவையும் வழங்கப்படும். விருது வழங்கும் நிகழ்ச்சி புது டெல்லியில் பிப்ரவரி 2-ஆம் தேதி நடைபெறும்.
