கர்நாடகாவில் ஆளும் மதசார்பற்ற ஜனதாதள அரசுக்கு JD(S) அளித்து வந்த ஆதரவை விலக்கிக் கொள்வதாக பாஜக இன்று முடிவு செய்துள்ளது. இதையடுத்து குமாரசாமி அரசு கவிழும் சூழல் உருவாகியுள்ளது.
கர்நாடகத்தில் ஆளும் மதசார்பற்ற ஜனதா தள அரசு ஒப்பந்தப்படி கடந்த 3ஆம் தேதி ஆட்சி அதிகாரத்தை பாஜகவிடம் ஒப்படைக்க மறுத்துவிட்டது. எனவே கூட்டணி அரசிற்கு ஆபத்து ஏற்பட்டது.
இதற்கிடையில், நேற்றிரவு பாஜக தலைவர் ராஜ்நாத் சிங்கை டெல்லியில் சந்தித்துப் பேசிய மதசார்பற்ற ஜனதாதளத் தலைவர் தேவேகவுடா, கர்நாடக ஆட்சி அதிகாரத்தை பாஜகவிடம் ஒப்படைக்க முடியாது என்று திட்டவட்டமாக தெரிவித்தார்.
