படுகொலை நடந்த இடத்தை பார்வையிட்ட அவர்கள், சம்பவத்தை நேரில் பார்த்தவர்கள், மருத்துவமனையில் பெனாசிர் புட்டோவுக்கு சிகிச்சை அளித்த மருத்துவர்கள் ஆகியோரிடமும் விசாரணை நடத்தினர்.
இதற்கிடையில், பாகிஸ்தானின் வடமேற்கு பகுதியில் உள்ள தேரா இஸ்மாயில்கான் நகரில் அய்திசாஸ் ஷா என்ற 15 வயது சிறுவன் கைது செய்யப்பட்டான். பெனாசிரைக் கொல்ல வந்த 5 பேர் அடங்கிய தற்கொலைப் படையில் தானும் இருந்ததாக அந்த சிறுவன் கூறினான். அவன் சொல்வது உண்மையா என்று விசாரணை நடந்து வருகிறது.
முன்னதாக, வருகிற 18 ஆம் தேதி நடக்கவுள்ள பொதுத் தேர்தலுக்கு முன்னதாக விசாரணை அறிக்கை சமர்ப்பிக்குமாறு, ஸ்காட்லாந்து யார்டு அதிகாரிகளை பாகிஸ்தான் அரசு கேட்டுக் கொண்டது குறிப்பிடத்தக்கது.
