நைஜீரியாவில் கடத்தப்பட்ட தமிழகத்தைச் சேர்ந்த மூன்று பேர் உட்பட நான்கு இந்தியர்களும் பத்திரமாக உள்ளனர் என்று மத்திய அரசு தெரிவித்துள்ளது.
நைஜீரிய அதிகாரிகளுடன் அங்குள்ள இந்திய தூதரகம் தொடர்பு கொண்டிருப்பதாகவும், கடத்தப்பட்ட அனைவரும் பாதுகாப்பாக உள்ளனர் என்றும் வெளியுறவு அமைச்சக செய்தித் தொடர்பாளர் நவ்தேஜ் சார்னா தெரிவித்துள்ளார்.
புதுடெல்லியில் நேற்றுச் செய்தியாளர்களிடம் பேசிய அவர், இந்தியர்கள் பணிபுரிந்த இத்தாலிய நிறுவனம் கடத்தல்காரர்களுடன் தொடர்ந்து பேச்சுவார்த்தை நடத்தி வருகிறது என்று தெரிவித்தார்.
நைஜீரியாவில் எண்ணெய் நிறுவனம் ஒன்றில் பணியாற்றி வந்த நெல்லை மாவட்டத்தைச் சேர்ந்த மூன்று பேர் உட்பட நான்கு இந்தியர்கள் தீவிரவாதிகளால் நடுக்கடலில் கடத்திச் செல்லப்பட்டனர்.
