ராவல்பிண்டி விமான நிலையத்தில் இருந்து பாகிஸ்தான் அதிபர் பர்வேஸ் முஷாரஃப் இருந்த விமானத்தை நோக்கி ராக்கெட் ஒன்று வீசப்பட்டது மட்டுமின்றி விமான தகர்ப்பு பீரங்கிகள் கொண்டு தாக்குதல் நடத்தப்பட்டதாகவும் இஸ்லாமாபாத் செய்திகள் கூறுகின்றன.
ராவல்பிண்டி விமான நிலையத்தில் இருந்து பலுசிஸ்தான் நோக்கி முஷாரஃப் சென்ற விமானம் புறப்பட்ட சிறிது நேரத்தில் தாக்குதல் நடத்தப்பட்டதாக டான் நியூஸ் தொலைக்காட்சி செய்தி கூறியுள்ளது.
ராவல்பிண்டி விமான தளத்தை ஒட்டியுள்ள ஒரு வீட்டின் மாடியில் இருந்து விமான தகர்ப்பு பீரங்கிகள் கொண்டு தாக்குதல் நடத்தப்பட்டதாகவும் டான் செய்தி கூறியுள்ளது.
ஆனால், அப்படிப்பட்ட தாக்குதல் ஏதும் நடைபெறவில்லை என்று பாகிஸ்தான் அரசு கூறியுள்ளது. (பி.டி.ஐ.)
