மத்திய அரசிற்கு நேரடி வருவாயின் மூலம் கிடைக்கும் நிதி ஏப்ரல் முதல் ஆகஸ்ட் வரையிலான 5 மாதங்களில் 42 விழுக்காடு அதிகரித்துள்ளது!
2006-07 நிதியாண்டின் முதல் 5 மாதங்களில் ரூ.42,980 கோடியாக இருந்த நேரடி வரி வருவாய் 2007-08 நிதியாண்டின் முதல் 5 மாதத்தில் 61,030 கோடியாக அதிகரித்துள்ளது.
பெரும் நிறுவனங்களிடம் இருந்து கிட்டும் நேரடி வரி வருவாய் ரூ.22,587 கோடியிலிருந்து ரூ.33,766 கோடியாக அதிகரித்துள்ளது. இது 49.49 விழுக்காடு உயர்வாகும்.
தனி நபர் வருமான வரி வருவாய் கடந்த நிதியாண்டின் 5 மாதங்களில் ரூ.20,340 கோடியாக இருந்தது. இந்த நிதியாண்டில் 33.76 விழுக்காடு ரூ.27,206 கோடியாக அதிகரித்துள்ளது என்று மத்திய நிதியமைச்சகம் வெளியிட்டுள்ள அறிக்கை தெரிவிக்கிறது.
இந்த நிதியாண்டில் நேரடி வருவாய் இலக்காக ரூ.1,68,401 நிர்ணயிக்கப்பட்டுள்ளது என்பது குறிப்பிடத்தக்கது.
