வங்கிகளுக்கு இடையிலான அந்நியச் செலவாணி சந்தையில், இன்று காலையில் வர்த்தகம் தொடங்கும் போது, டாலருக்கு நிகரான இந்திய ரூபாயின் மதிப்பு 20 பைசா குறைந்தது.
இன்று காலை அந்நியச் செலவாணி சந்தையில் 1 டாலரின் விலை ரூ.48.10 ஆக உயர்ந்தது. இது நேற்றைய இறுதி நிலவரத்தை விட 20 பைசா அதிகம்.
நேற்று டாலரின் இறுதி விலை ரூ.47.90 பைசா.
மற்ற நாட்டு அந்நிய செலவாணி சந்தையில் டாலரின் மதிப்பு அதிகரித்தது. அத்துடன் இறக்குமதியாளர்கள் டாலரை வாங்குவதால், டாலரின் மதிப்பு அதிகரித்ததாக வர்த்தகர்கள் தெரிவித்தனர்.
