தொடர்ந்து குரைத்து வந்த நாயை ஆசிட் ஊற்றி கொன்ற நபர் கைது!

ஒருதலை காதலால் காதலி மீது ஆசிட் ஊற்றிய இளைஞர்னு செய்திகளில் பார்த்திருப்போம். ஆனால் தெரு நாய் ஒன்றை ஆசிட் ஊற்றி கொன்ற சம்பவம் குஜராத் தலைநகர் அகமதாபாத்தில் நடந்துள்ளது.

அகமதாபாத் நகரில் வீட்டு வசதி குடியிருப்பில் வசித்து வருபவர் கீதன் பட்டேல். இவரது வீட்டிற்கு அருகில் கடந்த சில நாட்களாக தெரு நாய் ஒன்று தொடர்ந்து குரைத்து வந்துள்ளது. இதனால் ஆத்திரம் அடைந்த கீதன் பட்டேல் பலமுறை அந்த நாயை கல்லால் அடித்து விரட்டியுள்ளார். ஆனால் அந்த நாய் தொடர்ந்து அங்கேயே சுற்றி வந்துள்ளது.

இதனால் கோபமடைந்த கீதன் பட்டேல், கடந்த சில தினங்களுக்கு முன்னர் அந்த நாய் மீது ஆசிட்டை ஊற்றியுள்ளார். இதனால் படுகாயமடைந்த நாயை காப்பாற்ற சிலர் கால்நடை மருத்துவர்களுக்கு தகவல் கொடுத்தனர்.

ஆனால் காட்நடை மருத்துவர்கள் சிகிச்சை அளித்தும் நாய் இறந்துள்ளது. இது குறித்த புகாரின் அடிப்படையில் கீதன் பட்டேலை காவல்துறையினர் பிராணிகள் வதை தடுப்பு சட்டத்தின் கீழ் கைது செய்தனர்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்