இப்படத்தில் விஜய் அப்பா – மகன் என்று இரு வேடங்களில் நடித்துள்ளார். பெண்கள் கால்பந்து விளையாட்டை மையப்படுத்தி உருவாக்கப்பட்டுள்ள இப்படத்தில் விஜய்க்கு ஜோடியாக நயன்தாரா நடிக்கிறார். உடன் யோகி பாபு, கதிர், விவேக், இந்துஜா, ஜாக்கி ஷரூப், டேனியல் பாலாஜி, ஆனந்தராஜ், சவுந்தரராஜா, தேவதர்ஷினி, ரெபா மோகா ஜான், வர்ஷா போலம்மா, ஐஎம் விஜயன் உள்பட பலர் நடித்துள்ளனர்.
சமீபத்தில் வெளியான சிங்கப்பெண்ணே, வெறித்தனம் என்ற இரண்டு பாடல்களும் இணையத்தில் மெகா சாதனை படைத்தது. இதையடுத்து பிகில் படத்தின் இசைவெளியீட்டு விழா வருகிற செப்டம்பர் 19-ம் தேதி சென்னையில் நடைபெறும் என்றும், செப்டம்பர் 22-ம் தேதி மாலை 6.30 மணிக்கு சன் டிவியில் ஒளிபரப்பாகும் என்று அறிவிக்கப்பட்டுள்ளது.
