சூப்பர்ஹீரோ ரக படங்களுக்கு உலகம் முழுவதும் ஏராளமான ரசிகர்கள் இருந்து வருகின்றனர். ஹாலிவுட்டை பொறுத்தவரை சூப்பர்ஹீரோ படங்கள் தயாரிப்பதில் டிசி, மார்வெல் இடையே கடும் போட்டி நிலவி வருகிறது. சமீபத்தில் வெளியான மார்வெலின் ஸ்பைடர்மேன் நோ வே ஹோம் பெரும் ஹிட் அடித்துள்ளது.
இந்நிலையில் டிசி தனது பிரம்மாஸ்திரமான பேட்மேனை மார்ச் மாதம் களம் இறக்குகிறது. மேட் ரீவ்ஸ் இயக்கத்தில் ராபர்ட் பேட்டின்சன் நடித்துள்ள இந்த பேட்மேன் திரைப்படம் இதுவரை வெளியான பேட்மேன் படங்களை விட வித்தியாசமாக இருக்கும் என்றும், பேட்மேனின் கதாப்பாத்திரம் இதில் மிகவும் ரௌத்திரமான ஒன்றாக அமைக்கப்பட்டுள்ளதாகவும் கூறப்படுகிறது. இந்த படத்தின் புதிய ட்ரெய்லர் தற்போது வெளியாகியுள்ள நிலையில் டிசி ரசிகர்கள் உற்சாகமாக பேட்மேனை ட்ரெண்ட் செய்து வருகின்றனர்.
