நேற்று முன்தினம் மாலை குற்றாலத்தில் சாரல் மழை பெய்தது. நேற்று மழை பெய்யவில்லை. வெயில் அடித்தாலும், குளிர்ந்த காற்று தொடர்ந்து வீசி வந்தது. பள்ளிகள் துவங்கும் நேரம் என்பதாலும், குற்றாலத்தில் நீர் வரத்து குறைந்ததாலும் சுற்றுலா பயணிகள் கூட்டமும் சற்று குறைவாகவே காணப்பட்டது.
இனிமேல் மழை பெய்தால்தான் அருவிகளில் தண்ணீர் அதிகரிக்கும். கேரளாவில் விட்டுவிட்டு மழை பெய்து வருகிறது. அங்கு மழை நீடித்தால் குற்றாலத்தில் தற்போது உள்ள நிலை மாறும் என எதிர்பார்க்கப்படுகிறது.
