பங்கஜ் புரொடக்சன் ஹென்றி இரு மொழிகளில் தயாரிக்கும் படம் அறுவடை. மலையாளத்தில் வந்தேமாதரம் என்ற பெயரில் வெளியாகிறது. பெயரைக் கேட்டாலே கதையை ஓரளவு புரிந்து கொள்ளலாம்.
மாலிக் என்ற பெயரில் தீவிரவாதிகள் குழு ஒன்று தென்னிந்தியாவில் ஊடுருவுகிறது. அவர்களின் சதித் திட்டங்களை உளவுத்துறை அதிகாரி, போலீஸ் அதிகாரியுடன் துணையுடன் முறியடிக்கிறார். ஆபரேஷன் மாலிக் என்ற இந்த களையெடுக்கும் வேலைதான் கதையின் பிரதானப் பகுதி.
கோபி கிருஷ்ணன் என்ற உளவுத்துறை உயரதிகாரியாக மம்முட்டி. பூ கேட்டால் வேரோடு பெயர்த்து வரும் போலீஸ் அதிகாரி அன்வர் ஹுசைனாக அர்ஜுன். நந்தினியாக சினேகா. இவர்கள் தவிர ராஜ்கபூர், மாளவிகா, ரியாஸ் கான், விஜயகுமார், மும்தாஜ், ராஜன் பி. தேவ் ஆகியோரும் உண்டு.
படத்தைப் பற்றி...
T. அரவிந்த் படத்தை இயக்கியிரு'க்கிறார். அடுத்து என்ன என்பதை ஊகிக்க முடியாத திரைக்கதை.
விமானத்தில் எடுக்கப்பட்ட சண்டைக் காட்சி படத்தின் ஹைலைட்களில் ஒன்று. சண்டைப் பயிற்சி அனல் அரசு.
