அலெக்ஸ் பாண்டியன் என்ற அட்டர் பிளாப்புக்குப் பிறகு இயக்குனர் சுராஜின் பெயர் கோடம்பாக்கத்தில் மங்க ஆரம்பித்தது. தனுஷிடம் கால்ஷீட் கேட்டவர் கடைசிவரை அது கிடைக்காமல் போக இறுதியில் ஜெயம் ரவி பக்கம் திரும்பியுள்ளார்.
FILE
அண்ணன் ஜெயம்ராஜா இயக்கத்திலும், ரோமியோ ஜுலியட் என்ற படத்திலும் தற்போது நடித்து வருகிறார் ஜெயம் ரவி. அத்துடன் சுராஜ் இயக்கத்தில் ஒரு படம் நடிக்கவும் பேச்சுவார்த்தை நடந்து வருகிறது.
ஆனால் இந்தப் படம் குறித்து ஜெயம் ரவி தரப்பு இன்னும் எதுவும் தெரிவிக்கவில்லை. சுராஜ் மூலமாகதான் இப்படியொரு முயற்சி நடந்து வருவது வெளியுலகுக்கு தெரியும். காமெடிக்கு முக்கியத்துவம் தந்து ஸ்கிரிப்டை உருவாக்கியிருப்பதாகவும், பேச்சுவார்த்தை நடக்கிறது, இன்னும் எதுவும் முடிவாகவில்லை என்றும் சுராஜ் கூறினார்.
அலெக்ஸ் பாண்டியன் படத்தை தந்தவரின் இயக்கத்தில் நடிக்க யாருக்காக இருந்தாலும் தில் வேண்டும்.
