சூப்பர் ஸ்ட்டர் நடித்த அண்ணாமலை, பாட்ஷா, உலக நாயகன் கமல் நடித்த அவ்வை சண்முகி. தல அஜித் நடித்த காதல் கோட்டை, வாலி, இளைய தளபதி நடித்த ப்ரியமுடன், நேருக்கு நேர் என பல நூறு படங்களில், மனதை தொட்ட பல்லாயிரம் பாடல்களுக்கு இசையமைத்தவர் தேனிசை தென்றல் தேவா.
இவர் திரைப்படத்திற்கு இசையமைக்க ஆரம்பித்து 25 ஆண்டுகள் நிறைவடைவதை கொண்டாடும் வகையில், மாபெரும் பாராட்டு விழாவுக்கு ஏற்பாடு செய்து வருகின்றனர் துபாயில் இருக்கும் தமிழ் சங்கத்தினர்.
இதற்காக தமிழ் நடிக, நடிகைகள், இயக்குனர்கள், தொழில்நுட்ப கலைஞர்கள் என அனைவரையும் அழைக்க இருக்கிறார்கள். இந்த நிகழ்வை சிறப்பிக்கும் வகையில் தேவாவின் ஹிட் பாடல்களை தேர்வு செய்து, பிரபல பின்னணி பாடகர்கள் பாடும் விதமாக, இன்னிசை கச்சேரிக்கும் ஏற்பாடு செய்யப்படுகிறது.
