கே.வி.ஆனந்தின் புதிய படம் கோ தனது பயணத்தை அதிகாரபூர்வமாக இன்று தொடங்கியிருக்கிறது. அதற்கு முன்பே வெளிநாடு சென்ற ஆனந்த் ஹாரிஸ் ஜெயராஜின் துணையுடன் படத்தில் இடம்பெறும் சில பாடல்களின் கமபோஸிங்கை முடித்துவிட்டார்.
மங்கோலியாவில் இந்தப் பாடல்களை படமாக்க அவர் திட்டமிட்டுள்ளார். ஹாரிஸின் இசைக்கு ஆடப் போகிறவர்கள் ஜீவா மற்றும் கார்த்திகா.
கே.வி.ஆனந்தின் இரு படங்களுக்கு கதை, வசனம் எழுதிய சுபா இந்தப் படத்துக்கும் கதை வசனம் எழுதியிருக்கிறார்கள். அவரது படத்தில் ரசிகர்கள் எதிர்பார்க்கும் ஆக்சன், அடவென்சர் அனைத்தும் இந்தப் படத்திலும் இருக்கும் என உறுதியளிக்கிறார்கள் இந்த எழுத்தாளர்கள்.
ஜீவாவுடன் அஜ்மலும் கோ-வில் முக்கியமான வேடமேற்றுள்ளார். இந்தப் படத்தையடுத்து சூர்யா நடிக்கும் படத்தை இயக்குகிறார் கே.வி.ஆனந்த்.
