ஜி.வி. பிரகாஷின் பெயர் சொல்லும் படங்கள் வெயில் படத்துக்குப் பிறகு அமையவில்லை. வசந்தபாலனின் வெயில் இவருக்கு முதல் படமும்கூட.
ரஜினியின் குசேலன் படத்துக்கு இசையமைக்க வாய்ப்பு கிடைத்தது, யாரும் எதிர்பார்க்காத அதிர்ஷ்டம். ஆனால், பாடல்கள்? எதிர்பார்த்த அளவு சோபிக்கவில்லை.
இந்த தேக்கத்துக்கு ஒரு திறப்பாக அங்காடித் தெரு அமையும் என்கிறார்கள், அதன் பாடலை கேட்டவர்கள். வசந்தபாலனின் இந்தப் படத்துக்கும் ஜி.வி. பிரகாஷே இசையமைத்துள்ளார். அனைத்தும் ஊனை உருக்கி உணர்வில் கரையும் பாடல்கள்.
முக்கியமாக கருங்காலி எனத் தொடங்கும் பாடல். கேட்பவர்களை கிறங்கடிக்கும் கிராமத்து இசை இது என சிலாகிக்கிறார்கள் யூனிட்டில்.
வெயிலில் இருந்த உயிர் தெருவிலும் இருந்தால் சந்தோஷம்தான்.
