சுப்ரமணியபுரம் படத்தை இயக்கி, நடித்து, தயாரித்த சசி குமார் மீண்டும் தயாரிப்பாளராகியிருக்கிறார்.
சமுத்திரகனியின் நாடோடிகள் படத்தில் தற்போது நடித்து வருகிறார் சசி குமார். நாயகனாக இதில் நடிப்பதால் அடுத்த படத்தை இப்போதைக்கு இயக்கவதில்லை என முடிவு செய்துள்ளார். 2009 இறுதியில் படம் இயக்குவது என்பதே அவரின் திட்டம்.
அதற்குமுன் ஒரு படத்தை தயாரிக்கிறார் சசி குமார். பெயரிடப்படாத இந்தப் படத்தின் படப்பிடிப்பு இம்மாதம் 24 ஆம் தேதி புதுக்கோட்டையில் தொடங்கியது. பாண்டிராஜ் என்பவர் படத்தை இயக்குகிறார்.
புதுமுகங்கள் நடிக்கிறார்கள். இந்தப் படத்தில் சசி குமார் நடிக்கவில்லை. அடுத்து இயக்கும் படத்தையும் அவரே தயாரிப்பார் என தெரிகிறது.
