ரஜினி படத்தின் ரிலீஸ் தேதி அறிவிக்கப்பட்டதும் ராகவேந்திரா திருமண மண்டபம் களை கட்டும். மன்ற லெட்டர் பேடுடன் க்யூவில் நின்று முதல் வாரத்துக்கான டிக்கெட்டுகளை பணம் கட்டி வாங்கிச் செல்வார்கள் ரசிகர்கள். அடிதடியில்லாமல் ரசிகர்கள் தலைவர் படம் பார்க்க இந்த ஏற்பாடு.
சில பிஸினஸ் புள்ளிகள் போலி லெட்டர் பேடுடன் டிக்கெட்டுகள் வாங்கி வெளியே அதிக விலைக்கு விற்கத் தொடங்கியதால் லெட்டர்பேடு முறையை கைவிட தலைமை மன்றம் முடிவெடுத்தது. ரசிகர்களின் கோரிக்கையை ஏற்று, லெட்டர்பேடு முறையை நீட்டிக்க தற்போது தலைமை மன்றம் முன்வந்துள்ளது.
அதேநேரம், குசேலன் படத்துக்கு வழக்கமாக ரசிகர்களுக்கு வழங்கும் டிக்கெட்டுகளின் எண்ணிக்கை பாதியாக குறைக்கப்பட்டுள்ளது. ரசிகர்கள் மட்டும் முதல் வாரத்தில் படம் பார்த்தால் போதுமா நாங்கள் பார்க்க வேண்டாமா என பொது ஜனங்களிடமிருந்து நிறைய புகார்கள்.
இது ரஜினி காதூக்கு எட்ட, அவரின் ஆணைப்படி, டிக்கெட்டுகளின் எண்ணிக்கையை தலைமை மன்றம் பாதியாக குறைத்துள்ளது.
