ஈரானில் கடந்த 24 மணி நேரத்தில் 149 பேர் உயிரிழந்துள்ளனர். இதனால் உலகளவில் உயிரிழப்பு 9 ஆயிரத்தை தாண்டியுள்ளது. சுமார் இரண்டு லட்சத்துக்கு அதிகமானோர் பாதிக்கப்பட்டுள்ளனர். நாள் ஒன்றுக்கு ஏற்படும் இறப்பு வீதத்தை ஒப்பிடுகையில் சீனாவை விட இத்தாலியிலும், ஈரானிலும் இறப்பு வீதம் மிக வேகமாக அதிகரித்து வருவதாக கூறப்படுகிறது.
கடந்த டிசம்பர் தொடங்கி சீனாவில் இதுவரை 3,130 பேர் உயிரிழந்துள்ளனர். ஆனால் இந்த மாத தொடக்கத்தில் கொரோனாவை எதிர்கொள்ள தொடங்கிய இத்தாலியில் ஒரு மாத காலத்திற்குள் 2,978 பேர் இறந்துள்ளனர். சீனாவை ஒப்பிடுகையில் இத்தாலியில் இறப்பு விகிதம் மிக வேகமாக அதிகரித்து வருகிறது.
