சீனாவின் மேற்கு பகுதியில் 6.3 ரிக்டர் அளவில் சக்திவாய்ந்த நிலநடுக்கம் ஏற்பட்டுள்ளது, இதனால் கட்டிட இடிபாடுகயில் சிக்கி 2 பேர் உயிரிழந்துள்ளனர் 60 பேர் காயமடைந்துள்ளனர்.
சிச்சுவான் மாகாணத்தில் உள்ள நகரமான காங்டிங்கிலிருந்து 30 கிலோமீட்டர் தொலைவில் இந்த நிலநடுக்கம் ஏற்பட்டுள்ளது.
இந்த நிலநடுக்கம் 6.3 ரிக்டர் அளவில் ஏற்பட்டுள்ளதாக சீன புவியியல் ஆராய்ச்சி மையம் தெரிவித்துள்ளது.
அப்பகுதியில் இரண்டு வீடுகள் முற்றிலும் இடிந்து விழுந்துள்ளதாகவும், மேலும் பல வீடுகள் மற்றும் ஏராளமான கட்டிடங்களில் விரிசல்கள் ஏற்பட்டுள்ளதாகவும் கூறப்படுகிறது.
மேலும், இந்த நிலநடுக்கத்தால் அந்நகரத்தில் உள்ள உள்நாட்டு விமான நிலையமும் சேதமடைந்துள்ளதாகக் கூறப்படுகிறது.
இந்த நில நடுக்கத்தில் 70 வயது பெண்மணி உட்பட 2 பேர் உயிரிழந்ததாகவும் மேலும் 60 பேர் படு காயமடைந்துள்ளதாகவும் சீனவின் அரசு ஊடகம் தெரிவித்துள்ளது.
