எகிப்தியர்கள் காலத்தில் இருந்து அதாவது கி.மு. 3500லிருந்து வெள்ளியைப் பயன்படுத்தி ஆபரணங்கள் செய்யப்பட்டுள்ளன.
நகைகள் மட்டுமல்லாமல் வீட்டு உபயோகப் பொருட்கள், சட்டை பட்டன்கள், ஆயுதங்கள், குதிரைப் பொறிகள், பெட்டிகள், அலங்காரப் பொருட்கள், பூஜைக்குரிய பொருட்கள் மற்றும் பிற பொருட்கள் செய்யவும் வெள்ளி பயன்பட்டு வந்தது.
வெள்ளி வெள்ளை நிறத்தில் பளபளப்பு மிகுந்தது என்றாலும் சில சமயங்களில் அது கருப்பாகவும், ஒளி மங்கவும் வாய்ப்புண்டு. அது வெள்ளியின் ஒரு குணம்தான். கருக்கும் வெள்ளி தரம் குறைந்தது என்று எண்ண வேண்டாம்.
உலோகங்களின் ராணி வெள்ளி. இது அழகானது, உடலுக்கு குளிர்ச்சியூட்டுவது, தொட்டுப் பார்க்க ஆசையைத் தூண்டுவது.
மற்ற உலோகங்களைக் காட்டிலும் வெள்ளி விலையில் குறைந்தது. ஆனால் அழகுக்கு அழகு சேர்க்கும்.
வெள்ளி நகை வாங்கும் போது கவனிக்க...
webdunia photo
WD
நகையாக இருந்தால் கண்ணுக்கு தெரியும் வகையில் சிறு கோளாறுகள் உள்ளனவா என்று முதலில் கண்டுபிடியுங்கள்.
கொலுசு வாங்கும் போது அவை உங்களது கால்களுக்கு தற்போது சரியான அளவாக இருக்கலாம். ஆனால் நாளடைவில் தளர்ந்து போகும். எனவே அதற்கு ஏற்றாற் போல் தேர்வு செய்யவும்.
எனவே புத்தம் புது டிசைன்கள் எல்லாம் முதலில் வெள்ளியில்தான் வெளிவரும். எனவே பார்த்து ரசித்து உங்களுக்குத் தேவையானவற்றை வாங்குங்கள்.
அப்படியே நீங்கள் வாங்கும் பொருளுக்கான ரசீதை மறக்காமல் கேட்டு வாங்குங்கள்.
அடுத்த கட்டுரையில் வெள்ளிப் பொருட்களை பாதுகாக்கும் முறைகளை அறிவோம்.