சரத்குமார் நடித்த ‘சென்னையில் ஒருநாள் 2’ படத்தை இயக்கியவர் ஜான் பால்ராஜ். அவரும், புதுமுக இயக்குநரான ஷாம் சூர்யா இருவரும் இணைந்து ஒரு படத்தை இயக்குகின்றனர். இந்தப் படத்துக்கு ‘அக்னி தேவ்’ என்று தலைப்பு வைக்கப்பட்டுள்ளது. பாபி சிம்ஹா ஹீரோவாக நடிக்க, முக்கிய வேடத்தில் சதீஷ் நடிக்கிறார். இந்தப் படத்தின் பூஜை, கோயம்புத்தூரில் உள்ள சாய்பாபா கோயிலில் நடைபெற்றது.
பாபி சிம்ஹா தற்போது ‘சாமி ஸ்கொயர்’ படத்தில் நடித்துள்ளார். விக்ரமுக்கு வில்லனாக. மூன்று கெட்டப்புகளில் அவர் நடித்துள்ளார். இந்தப் படம் விரைவில் ரிலீஸாக இருக்கிறது. இதுதவிர, கார்த்திக் சுப்பராஜ் இயக்கத்தில் ரஜினிநடிக்கும் பெயரிடப்படாத படத்தில், ரஜினியின் மகனாக நடிக்கிறார் பாபி சிம்ஹா. இந்தப் படத்தின் ஷூட்டிங் டேராடூனில் நேற்று தொடங்கியது.
