விழுப்புரம் மாவட்டம் உளுந்தூர்பேட்டை தொகுதியில், தேமுதிக தலைவர் விஜயகாந்தின் வாகனத்தை, விடுதலை சிறுத்தைகள் கட்சியினர் வழிமறித்து போராட்டம் நடத்திய சம்பவம் பரபரப்பை ஏற்படுத்தியுள்ளது.
விஜயகாந்த் உளுந்தூர்பேட்டை தொகுதியில் போட்டியிடுகிறார். இதனால் அவர் அந்த பகுதியில் தேர்தல் பிரச்சாரம் செய்து வருகிறார். நேற்று மாலை அவர், அந்த தொகுதியில் உள்ள கிராமங்களுக்கு சென்று பிரச்சாரத்தில் ஈடுபட்டார்.
இரவு 8.45 மணியளவில் அவர் பிரச்சாரத்தை முடித்துவிட்டு காந்தல்வாடி கிராமத்துக்கு சென்று கொண்டிருந்தார். அப்போது அந்த காலனி பகுதியில் உள்ள பொதுமக்கள் மற்றும் விடுதலை சிறுத்தை கட்சியை சேர்ந்த 100க்கும் மேற்பட்டோர், டிராக்டர் மற்றும் ஆட்டோக்களை சாலையின் குறுக்கே நிறுத்தி விஜயகாந்தின் வாகனத்தை தடுத்து நிறுத்தினர்.
