என்.டி.நந்தா என்பர் இயக்கியிருக்கும் படம், வல்லதேசம். அனுஹாசன், நாசர், அமீத், டேவிட் நடித்துள்ளனர். எல்.வி.முத்துகுமாரசாமி, ஆர்.கே.சுந்தர் இசையமைத்துள்ளனர். இதன் பாடல்கள் வெளியீட்டுவிழா நேற்று நடந்தது. நடிகர் கமல், இயக்குனர் பாரதிராஜா சிறப்பு விருந்தினர்களாக கலந்து கொண்டனர்.
"புதிய முயற்சிகளை பாராட்ட வேண்டும். வரவேற்க வேண்டும். அந்த நோக்கத்தில் தான் இந்த விழாவில் நான் கலந்துகொண்டேன். ஒரு பெண்மணியை மையமாக வைத்து இந்த படத்தை எடுத்துள்ளனர். இது சிறந்த முயற்சி. இப்போதெல்லாம் பெண்களை மையமாக வைத்து எடுக்கும் படங்கள் குறைந்து விட்டன. எனது வாத்தியார் (டைரக்டர் கே.பாலச்சந்தர்) பெண்களுக்கு முக்கியத்துவம் அளிக்கும் படங்கள் நிறைய எடுத்தார். அவரை போல் படங்கள் எடுக்கும் டைரக்டர்கள் குறைவாக உள்ளனர்.
எதிர்காலத்தில் இப்படித்தான் நடக்க போகிறது. 4 ஆயிரம் பேரை வைத்து படம் எடுத்து 200 பேர் மட்டுமே பார்க்கின்ற நிலை இருப்பதை தவிர்த்து, 200 பேரை வைத்து படம் எடுத்து கோடிக்கணக்கானோர் படத்தை பார்க்கின்ற நிலையை ஏற்படுத்த வேண்டும். எதிர்காலத்தில் அப்படித்தான் நடக்க போகிறது. இதன்மூலம் வேலைவாய்ப்புகள் பெருகும். சிறு சிறு குழுக்கள் இந்த பணிகளில் ஈடுபடுவார்கள். அது சினிமா தொழிலுக்கு நல்லது. கட்டுப்பாட்டோடு செயல்பட்டு படத்தை எடுத்துள்ளனர்."