அன்புக்கு நன்றி, ஆனால் கூச்சமா இருக்கு...

தொடரி படத்தின் பாடல்கள் வெளியீட்டு விழாவில் தனுஷை பாராட்டியே கூச்சப்பட வைத்தனர் சக நடிகர்கள்.

பிரபுசாலமன் இயக்கத்தில் தனுஷ் நடித்திருக்கும் தொடரி படத்தை சத்யஜோதி ஃபிலிம்ஸ் தயாரித்துள்ளது. முழுக்க ரயிலில் தயாராகியுள்ள இந்தப் படத்துக்கு டி.இமான் இசையமைத்துள்ளார். இதன் பாடல்கள் வெளியீட்டுவிழா சென்னையில் நடந்தது. 

விழாவில் பேசிய தம்பி ராமையா, பாபு கணேஷ் உள்பட சிலர், தனுஷை இளைய சூப்பர் ஸ்டார் என்று அழைத்தனர். அதனை தனது பேச்சில் மறைமுகமாக குறிப்பிட்ட தனுஷ், என்னைப் பற்றி பலரும் பெருமையாக பேசினார்கள். தகுதிக்கு மீறி புகழ்ந்தார்கள். அவர்களின் அன்புக்கு நன்றி. ஆனால் எனக்கு கூச்சமாக இருந்தது என்றார்.

புகழ்ந்தே கூச வைப்பதில் நம்மாட்கள் கில்லாடிகள்.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்....