தென்னிந்திய திரைப்பட நடிகர்கள் சங்கம் என அறியப்படும் தமிழ் திரை நடிகர்களுக்கான தேர்தல் கடந்த 2015 ஆம் ஆண்டு நடைபெற்றது. அதில் நாசர் தலைமையிலான வெற்றி பெற்றது. அந்த அணி பொறுப்பேற்று 3 ஆண்டுகளில் அடுத்த தேர்தலை கடந்த அக்டோபர் மாதமே நடத்தியிருக்க வேண்டும். ஆனால் நடிகர் சங்க கட்டிட வேலைகளைக் காரணம் காட்டி தேர்தலை 6 மாதம் ஒத்திவைத்தனர்.
இதையடுத்து அந்த 6 மாத காலமும் முடிவடைந்துள்ள நிலையில் இப்போது தேர்தலை நடத்துவதற்காக செயற்குழு கூட்டத்தைக் கூட்டியுள்ளனர். இக்கூட்டத்திற்கு நடிகர் நாசர் தலைமை தாங்குகிறார். பொதுச்செயலாளர் விஷால், பொருளாளர் கார்த்தி மற்றும் செயற்குழு உறுப்பினர்கள் இதில் கலந்துகொள்கின்றனர்.
