'இன்று சர்கார் டீசர்'-டுவிட்டரில் சரவெடி போட்டு கொண்டாடும் ரசிகர்கள்

வெள்ளி, 19 அக்டோபர் 2018 (14:56 IST)

சர்கார் படத்தின் டீஸர் இன்று மாலை வெளியாக  உள்ளதை முன்னிட்டு #SarkarTeaserDay என்ற ஹேஸ்டேக் உருவாக்கி விஜய் ரசிகர்கள் டுவிட்டரில் டிரெண்ட் செய்து கொண்டாடி வருகிறார்கள்.

சன் பிக்சர்ஸ் தயாரிப்பில் ஏ.ஆர்.முருகதாஸ் இயக்கத்தில் விஜய், கீர்த்தி சுரேஷ், யோகிபாபு, வரலட்சுமி உள்ளிட்டோர் நடித்துள்ள படம் சர்கார். தீபாவளிக்கு உலகம் முழுவதும் வெளியாக உள்ளது. இந்த படத்துக்கு ஏஆர் ரகுமான் இசையமைத்துள்ளார். 

கடந்த அக்டோபர் 2ம் தேதி காந்தி ஜெயந்தி அன்று சர்கார் பட இசை வெளியீட்டு விழா நடந்தது. தொடர்ந்து படத்தில் பாடல்கள் அனைத்தும் பெரும் வரவேற்பைப் பெற்றுள்ளன. விஜய் அரசியல் குறித்து பேசியதால் படத்தின் ஒவ்வொரு அப்டேட்களும் ரசிகர்களால் உன்னிப்பாக கவனிக்கப்படுகின்றன.

இன்று மாலை 6 மணிக்கு சர்கார் டீசர் வெளியாகும் என சன் பிக்சர்ஸ் நிறுவனம் அறிவித்துள்ளது. இதனால் உற்சாகமடைந்த விஜய் ரசிகர்கள்,#SarkarTeaserDay என்ற ஹேஸ்டேக் உருவாக்கி் டுவிட்டரில் டிரெண்ட் செய்து கொண்டாடி வருகிறார்கள். 

வெப்துனியாவைப் படிக்கவும்

தொடர்புடைய செய்திகள்