கார்த்திக் சுப்புராஜ் இயக்கத்தில் ரஜினிகாந்த் நடித்துவரும் பேட்ட படப்பிடிப்பு தளத்தில் ரஜினி இருப்பது போன்ற புகைப்படங்கள் வெளியானதால் படக்குழுவினருக்கு எச்சரிக்கை விடுத்திருந்தார் இயக்குனர் கார்த்திக் சுப்புராஜ். மேலும், பாதுகாப்பை பல கட்டமாக பலப்படுத்தினர்.
இந்நிலையில், இந்த படத்தில் முள்ளும் மலரும், உதிரி பூக்கள் உள்ளிட்ட காலத்தில் அழியாத பல படங்களை இயக்கிய மகேந்திரன் பேட்ட படத்தில் இணையவுள்ளதாக தகவல் வெளியாகியுள்ளது. இதனை உறுதிப்படுத்தும் விதமாக இயக்குனர் மகேந்திரனும் போட்டோ ஒன்றை வெளியிட்டு அதை உறுதிப்படுத்தியுள்ளார்.
