தேனாண்டாள் பிலிம்ஸ் தயாரிப்பில் அட்லீ இயக்கத்தில் விஜய், சமந்தா, காஜல் அகர்வால், நித்யா மேனன், எஸ்.ஜே.சூர்யா, வடிவேலு உள்ளிட்ட பலரது நடிப்பில் வெளியான படம் 'மெர்சல்'. ஏ.ஆர்.ரஹ்மான் இசையமைத்து இருந்தார். அக்டோபர் 18, 2017-ல் வெளியான இப்படத்துக்கு பாஜக எதிர்ப்பு தெரிவித்ததால் , தமிழகம் தாண்டி உலகம் முழுவதும் பெரும் வரவேற்பு பெற்றது.
இப்படத்தில் இடம்பெற்ற 'ஆளப்போறான் தமிழன்' பாடல் இப்போதுவரை ரசிக்கப்பட்டு வருகிறது. மேலும், 'மெர்சல்' இசையுரிமையை வைத்திருக்கும் சோனி நிறுவனம் “'மெர்சல்' பாடல்கள் அனைத்துமே ஒன்றிணைந்து 30 கோடி பார்வைகளைக் கடந்து சாதனை புரிந்துள்ளது” என்று அறிவித்துள்ளது.
